Реал Мадрид се подготвува за финалето од Лигата на шампионите во сабота навечер. Тренерот Карло Анчелоти, сепак, веќе размислува за следната сезона, во која очекувањата за тимот ќе бидат поголеми по актуелната силна кампања. Многумина им даваат огромна предност на Шпанците на дуелот на „Вембли“, но искусниот стручњак повикува на внимание. Тој даде пример со Аталанта, која е четврта во Серија „А“, но ја освои Лигата на Европа по убедливата победа од 3:0 над Баер (Леверкузен) во финалето.
„Сега може да има чувства дека сме фаворити во финалето против Борусија. Но, успехот на Аталанта беше предупредување за сите, не само за нас“, изјави Анчелоти во интервју за „Ел Чирингито“.
Натпреварот во Лондон ќе биде последен со шпанскиот тим за Тони Крос, кој ќе се откаже од фудбалот по Европското првенство. Во врска со тоа, Анчелоти зборуваше и како ќе го замени германскиот халф. Зборуваше и за други теми, поврзани со „белите“.
„Многу ја почитувам одлуката на Тони, иако тоа можеби ќе нè повреди“, вели тренерот. – „Треба да го заменам. Не велам дека тоа ќе се случи со фудбалер со исти спортски и технички карактеристики, бидејќи тоа е невозможно, туку едноставно со друг натпреварувач. Имаме идеја како. Чуамени, Камавинга, Валверде… Морам да играм поинаков фудбал, но не морам да го менувам тоа, што тоа го правам на успешен начин“.
„Крос ми се заблагодарува за се, но мислам дека фудбалот треба да му биде благодарен за постигнатото“, продолжи Анчелоти.
„Како тренер секогаш се прилагодувам врз основа на квалитетите на играчите кои ги имам. Кога ги имаш на располагање Чави, Иниеста, Бускетс и Меси, играш само на еден начин. Но, кога играте фудбал со различен профил, треба да пробате нешто поинакво. Во денешно време сите велат дека играта почнува да се надоврзува од дефанзивците, но кога се браните со „врзани нозе“, како што велиме во Италија, најдобра опција е да ја испратите топката во противничката половина на најбрз можен начин со долг пас“.
„Џуд Белингем не личи на 20-годишен маж. Само Арда Ѓулер изгледа како дете. Во исто време, Џуд повеќе ми личи на брат отколку на син. Белингем стана дел од Реал на најдобар можен начин: со многу професионализам и малку его. Прашањето за егото е многу важно. Самото его не е лоша работа, но подобро е кога е помалку. Важно е да се разграничи егото од личноста во човечко суштество. Ќе ви дадам пример со Серхио Рамос. Никогаш не сум сретнал фудбалер со таква индивидуалност, таков карактер и толку големи „топки“. Тој беше исклучителен, кога стануваше збор за личноста. Пепе беше играч со мало его и без индивидуалност. Кристијано Роналдо исто така имаше огромно его и огромен карактер“.
„Кој ќе ја освои Златната топка“? Борбата е помеѓу Белингем и Винисиус Јуниор. Да видиме што ќе се случи во финалето на Лигата на шампионите, ЕП 2024 и Копа Америка. И двајцата имаат свои шанси“, истакна Анчелоти.