Претседателот на Србија, Александар Вучиќ вечерва изјави дека изборната листа собрана околу Српската напредна странка освоила 52 отсто од гласовите во Белград и дека сигурно победила во 15 од 17 белградски општини.
На прес-конференција во седиштето на СНС, Вучиќ рече дека победите во Нови Сад и Ниш се неверојатно убедливи.
„Најубедливата победа беше во Пеќинци, каде освоивме 86 од гласовите со излезност од 78 проценти, што е речиси неверојатно. Победата во Нови Сад беше неверојатна и неверојатно убедлива. И сакам да честитам, заедно со честитки за Александар Шапиќ, сакам да му честитам на професорот Туркулов, бидејќи таква победа во Нови Сад, каде што освоивме 45 мандати и добивме речиси 53 отсто од гласовите“, рече Вучиќ.
Нагласи дека тоа е значајно, особено ако се земе предвид дека опозицијата во Нови Сад излезе во две-три колони, а излезноста е добра, 50 проценти.