На „Богородица“ се чека половина час за влез во Грција

Утрово ГП „Богородица“ преплавен од автомобили. Според информациите на терен се чека по половина час за излез од Македонија и влез кај нашиот јужен сосед, Грција. Исто толку се чека и на „Табановце“ за влез во земјава, информира утринава Авто мото сојузот на Македонија.

Граничарите ги пропуштаат граѓаните во три колони.

На останатите гранични премини, според информациите на АМСМ, нема подолги задржувања за влез и излез од земјава.

Според камерите на ЈП Државни патишта, гужви и колони со патнички возила на ГП „Богородица“ имаше и во текот на деновите од викендот, особено во утринските часови.