Кандидатот на Републиканците и поранешен американски претседател Доналд Трамп ја обвини администрацијата на претседателот Џо Бајден за ескалација на конфликтите во делови од Блискиот Исток, ветувајќи дека ќе го врати мирот во регионот доколку биде избран.
– Светот е во пламен и надвор од контрола. Немаме раководство, никој не ја води државата. Имаме непостоечки претседател Џо Бајден и целосно отсутен потпретседател Камала Харис – се вели во соопштението на Трамп.
Тој додал дека „Иран бил под контрола“ кога тој бил претседател на САД.
Иако Трамп воведе тешки санкции врз Иран откако земјата го отфрли историскиот мултилатерален нуклеарен договор, Техеран продолжи да ги вооружува и финансира своите сојузници во регионот за време на неговиот мандат.
Бајден продолжи да ги спроведува санкциите од ерата на Трамп кон Иран и додаде повеќе казни против Техеран во изминатите три години.
Трамп без докази повтори дека нападот на Израел на 7 октомври предводен од Хамас немаше да се случи доколку тој би бил на власт.
Израел е решен да им стави крај на милитантните групи, Хамас, Хезболах, Хути. Одбраната почна со копнени напади врз Хезболах во Либан. Операцијата „Северни стрели“ ќе продолжи според проценката на ситуацијата и паралелно со борбите во Газа и во другите арени, стои во соопштението на Израелската војска.
Хезболах и јеменските Хути секојдневно го напаѓаат Израел од октомври минатата година и почетокот на војната Газа меѓу Израел и Хамас.