Ердоган: По Либан и Газа, Израел може да ја нападне Турција

По Либан и Газа, Израел може да ја нападне Турција, изјави турскиот претседател Реџеп Таип Ердоган.

– Окупацијата, тероризмот и агресијата се блиску до нас. Не се соочивме со држава која го почитува законот, туку со стадо убијци кои се хранат со крв и напредуваат на сметка на окупацијата – нагласи тој.

Турскиот претседател го обвини Израел за „геноцид“ во Појасот Газа и рече дека последиците од неговите акции против Либан ќе бидат „целосно различни од претходните“.