Рина Ајдари од Демократската унија за интеграција излезе со низа критики за економските мерки на Владата. Таа на прес-конференција во седиштето на партијата како неуспех го спомена намалувањето на капиталните проекти – како што е намалувањето на средствата за Коридор 8, не зголемувањето на минималната плата, ограничувањето на маржата на производите, не зголемувањето на пензиите, ненамалувањето на придонесите за приватниот сектор и не издвојувањето по 10 илјади евра за секој граѓанин.
Ајдари откри и дел од предлозите на ДУИ, како што вели, земјата да излезе од „длабоката економска криза“.
„Сите овие податоци се доволни параметри дека Северна Македонија е во длабока економска криза и бруто локалното производство ќе биде најниско во целиот регион на Западен Балкан. Демократската унија за интеграција ги повикува институциите итно да преземат конкретни мерки за зголемување на минималната плата – минимална од 450 евра и линеарно за сите останати плати во државата. Да се субвенционираат локалните компании за да се зголеми нивната конкурентност, да се покријат патните трошоци на вработените чие работно место е на повеќе од 15 километри од местото каде што живеат. Предлагаме реформи за намалување на придонесите за бизнис секторот да ги задржи своите вработени, имајќи можност да ги зголемат платите во приватниот сектор. Помагање на компаниите да добијат нови пазари за извоз. Да се врати методологијата за зголемување на пензиите врз основа на порастот на инфлацијата и просечната плата во државата. Намалете ја цената на струјата за домаќинствата и микро и малите компании. Имајќи предвид дека веќе нема енергетска криза, треба да се интервенира во делот на акцизите и даноците за да нема значително зголемување на дериватите“, рекла Ајдари.