Републиканскиот кандидат на изборите во САД, Доналд Трамп, реагираше на промотивниот спот на противкандидатката Камала Харис, нарекувајќи го „глупав“. Имено, во спотот се гледа како жена, откако му вели на својот сопруг дека ќе гласа за Трамп, сепак го заокружува името на Харис.
„Она што се случува зад параванот, останува зад параванот“. Во завршниот спринт на американската претседателска кампања, тој краток видео клип прикажува жена како гласа за Камала Харис, криејќи го тоа од својот сопруг, пишува Index.hr.
Julia Roberts voices Common Good voting advertisement for Kamala Harris. pic.twitter.com/I4VqSNIYhs
— Pop Base (@PopBase) October 29, 2024
Во краткиот 30-секунден видео клип, во кој својот глас го дала актерката Џулија Робертс, парот доаѓа на гласачкото место. Судејќи според нивните облеки и капи, јасно е дека планираат да гласаат за републиканецот Доналд Трамп.
Сепак, доаѓа до пресврт – сопругата ја заокружува Камала Харис, откако разменува погледи со жена спроти неа, зад другиот параван.
„Никој нема да знае ништо“, вели гласот, а потоа сопругот прашува: „Добро избра?“.
Жената одговара: „Да, драги“.
Доналд Трамп го критикуваше спотот, нарекувајќи го „глупав“ и праша: „Можете ли да замислите жена што не му кажува на сопругот за кого гласала?“.
На мрежата Fox News, која е во сопственост на конзервативци, познат водител изјави дека би го сфатил како измама доколку неговата партнерка гласа за демократската кандидатка за американските избори, Камала Харис.