Поранешниот фудбалер Никлас Бентнер бил нападнат со нож во Њујорк додека се шетал со својот пријател.
Познатиот фудбалер, кој имаше многу испади во кариерата каде често беше во центарот на скандали, сега се најде во спротивна ситуација.
Популарниот „Лорд“ бил нападнат одзади од маж кој имал нож во рацете додека се шетал низ градот со својот пријател.
Од чиста среќа, поранешниот член на Арсенал се спасил неповреден, додека неговиот пријател се здобил со повреди на лицето и увото.
„Да, можам да потврдам дека јас сум на видеото. Можеше ли јас да бидам нападнат? Не би коментирал за тоа. Жртвата е поранешен фудбалер кој одеше со мене“, рекол Бентнер за грозоморното видео.
Бентнер во својата кариера играше за многу клубови како Арсенал, Бирмингем, Сандерленд, Јувентус, Волфсбург, Нотингем Форест, Розенборг и Копенхаген.
Но, тој сепак беше познат по своите испади кои го следеа во текот на неговата кариера.