Иако бракот носи убавина и поврзаност, тој е исполнет и со предизвици кои можат да не изненадат, особено ако не сме подготвени да се соочиме со нив. Така, според експертите, постојат работи на кои треба да внимаваме пред да се венчаме.
Психологот Марк Траверс го коментираше истражувањето на психологот др. Џон и Џули Готман, истакнувајќи две клучни работи што треба да се прифатат за бракот да биде успешен и исполнет. Со прифаќање на овие вистини, можеме полесно да се справиме со неизбежните подеми и падови кои доаѓаат со долгорочното партнерство.
1. Прифаќање на односот 5:1
„Истражувачите и психолозите д-р Џон и Џули Готман ја нагласуваат важноста на „соодносот 5:1“ за стабилен брак. Овој сооднос значи дека за секоја негативна интеракција треба да има најмалку пет позитивни за да се неутрализираат нејзините ефекти“, објаснува Траверс за Psychology Today.
Сепак, клучот е овие позитивни интеракции да се направат вистински и природни, а не присилни или манипулативни.
„Ако љубезноста и вниманието станат обврска или стратегија, ризикувате да ја оштетите автентичноста на врската. Љубовта и наклонетоста треба да бидат природни, а не да се претвораат во листа на задачи“, забележува психологот.
2. Балансирање спротивставени приоритети
„Познатата психотерапевтка Естер Перел го опишува бракот како „котел со конфликтни копнежи“. Бракот бара рамнотежа помеѓу сигурноста и возбудата, блискоста и индивидуалноста, вели Траверс.
Секоја од овие спротивности игра клучна улога во здравата врска, но во исто време тие можат да не повлечат во спротивни насоки.
„Решението лежи во одржувањето на двете страни на овие потреби. За ова е потребен напор, компромис и меѓусебно разбирање, но обезбедува трајна сила и исполнување во врската“, заклучува психологот.