Детали за синоќешната сообраќајка на скопската обиколница – тројца завршија во болница

Полицијата излезе со детали за синоќешниот верижен судир на скопската обиколница пред излезот на село Смилковци во правец кон Стајковци. Во несреќата учествувале повеќе автомобили, камион и автобус, а сообраќајот беше затворен.

-На 22.01.2025 околу 20.20 ч. во СВР Скопје е пријавено дека на обиколница Скопје, клучка Бутел кај Смилковско езеро кон Арачиново, се случила сообраќајна незгода во која учествувале три патнички возила, товарно возило и паркиран автобус. Од незгодата со повреди се здобиле тројца учесници кои се пренесени во скопските клиники, наведуваат од МВР.