Словенечката кошаркарска ѕвезда Лука Дончиќ веќе во сабота би можел да дебитира за Лос Анџелес Лејкерс по неговиот сензационален трансфер од Далас Маверикс.
Дончиќ (25), кој неодамна се опорави од повреда, ги гледаше своите нови соиграчи како играат против Лос Анџелес Клиперс во вторникот. Тој, исто така, се очекува да го пропушти натпреварот против Голден Стејт во четврток, но би можел да учествува на следниот закажан натпревар против Индијана, предвидува ESPN.
Предводникот на Лос Анџелес Лејкерс, Леброн Џејмс по победата над Клиперс изјави дека и тој не верувал дека трансферот е реален кога првпат слушнал за него.
„Кога првпат слушнав, помислив дека тоа е дефинитивно лажна вест. Но, тогаш ми се јави Ентони Дејвис и малку разговаравме. Дури и тогаш, не ми изгледаше реално, а и сега не ми изгледа така. Потоа видов клип од Ентони Дејвис во Далас и тогаш го сфатив тоа“, рекол Џејмс.