Алжирската боксерка Имане Келиф, која минатото лето стана олимписка шампионка во Париз, ги опиша како „лажни“ обвинувањата на Меѓународната боксерска федерација (ИБА) која се бори против нејзиното учество во женскиот настан, признавајќи дека работата може да продолжи на суд, пренесе АФП.
Федерацијата беше исфрлена од олимпиското движење, но продолжува да го оспорува правото на Келиф и Ју-тинг Лин од Тајван да се натпреваруваат во женска конкуренција. ИБА соопшти дека ќе поднесе тужба против Меѓународниот олимписки комитет.
Федерацијата „уште еднаш претпочита неосновани обвинувања кои се лажни и навредливи“, напиша Имане Келиф на Инстаграм.
„Мојот тим во моментов детално ја истражува ситуацијата и ќе ги преземе сите правни мерки за да ги заштити моите права и да обезбеди заштита на принципите на натпреварување“, напиша и алжирската спортистка.
„Останувам овде и не одам никаде. Ќе се борам во рингот, ќе се борам на суд и ќе се борам за јавното мислење додека вистината не стане безусловна“, напиша таа.
Од ИБА, водена од Русинот Умар Кремлев, соопштија дека „поднеле жалба до државниот обвинител на Швајцарија“ Стефан Блатер и дека подготвува слични жалби до јавните обвинители на Франција и на САД.
Осум месеци по олимпискиот турнир, федерацијата се чувствува охрабрена од декретот потпишан од новиот американски претседател Доналд Трамп, кој им забранува на трансродовите лица да учествуваат во женски спортови. Имане Келиф и Ју-тинг Лин не се трансродови, но федерацијата соопшти дека ИБА „останала цврста во заштитата на боксерките од нелојалната конкуренција“.