Запалени две возила во дворот на Струмичката болница

Струмичката противпожарна бригада рано утрово интервенирала во дворот на Струмичката болница поради тоа што биле опожарени два автомобили.

-Утрово во 05.05 часот во дворот на ЈЗУ Општа болница- Струмица, ТППЕ Струмица со 1 ПП возило и 3 пожарникари-спасители интервенираше на гасење на две запалени хаварисани возила. Пожарот беше локализиран и ликвидиран за кратко време после пристигнувањето и беше спречено негово проширување на блиските околни објекти, истакнуваат од Струмичката пожарна.

Во случај на пожар или друга елементарна непогода, јавете се на бесплатниот телефонски број 112 или 193.