Рускиот политичар Николај Онишченко, началник на областа Завјаловски во регионот Алтај, во централен Сибир, е убиен додека излегувал од кафуле. Истражниот комитет покрена кривична постапка, стои во соопштение на руските истражни органи.
„На 4 март 2025 година, при напуштање на кафуле во селото Завјалову, беше застрелан началникот на управата на општина Завјалову. Врз основа на овој настан, меѓуобласниот истражен оддел на Руската Федерација за регионот Алтај покрена кривична постапка за кривичното дело член 1 од 10 од законот на Русија” стои во соопштението на регионалното обвинителство.
Оттаму додаваат дека во селото Завјалову е уапсен локален жител поради сомнение дека сторил кривично дело.
„Обвинителот на регионот Алтај Антон Херман го стави под своја контрола расветлувањето на околностите и текот на истрагата на кривичната постапка. Според неговите наредби, теренски обвинител работи на местото на инцидентот“, изјави помошникот обвинител од регионот, Марија Антошкина.
Онишченко е роден на 8 август 1973 година. Тој беше избран на функцијата градоначалник на општина Завјалов во регионот Алтај во октомври 2022 година. Пред тоа, Онишченко работеше за рускиот МУП.