Сите имаме пријател кој е мирен додека некој не започне тема што не му се допаѓа. А потоа следи хаос – драма, викање, солзи и голема расправија, по што сите ќе се изненадат како тоа воопшто се случило.
Ова се трите хороскопски знаци со темпераменти како темпирана бомба – никогаш не знаете кога ќе експлодираат…
Овен
Овенот е хороскопски знак сличен на шпорет под притисок без сигурносен вентил. Тој не готви тивко. Врие и експлодира за три секунди и сето тоа без предупредување. Најлошото нешто што можете да му го кажете на Овен во момент на фрустрација е „смири се“. Уште полошо – „претеруваш“. Во тој момент и најмирниот Овен доживува мини внатрешна револуција. Викање, брзо одење и драматизирачки движења на рацете се она што ве очекува. Добри вести? Овенот брзо се разгорува, но уште побрзо се смирува и заборава. Пет минути подоцна ќе ве прашаат дали сакате кафе. И ќе се однесуваат како ништо да не се случило. Буквално ништо.
Скорпија
Скорпиите не се тип за викање секој ден. Тие молчат. Тие гледаат. Паметат. Но, кога ќе одлучат дека е доста, тогаш следи вистинска врева. Кога еруптира Скорпија, тоа е како ерупција на вулкан кој собира лава со години. Тие ќе ви кажат сè – и што кажавте минатата недела, и што не кажавте минатото лето, и нешто што го кажавте пред неколку години што им пречело. Не викаат. Тоа е ладна, сенишна прецизност. И затоа е пострашно од сите експлозии заедно. Доволно е само еден поглед на Скорпијата за да се чувствувате како штотуку да сте „убиле некој“…
Лав
Лавот не вика затоа што е лут. Лавот вика затоа што мисли дека заслужува да биде слушнат. Ако чувствува дека сте го запоставиле, сте му го повредиле егото или не го почитувате неговото семејство, подгответе се за огнен говор. Експлозијата на Лавот доаѓа со големи емоции, гестови и монолози. Нема скриени пораки – сè е директно и театарско. Ако му замериш, ќе знаеш. И соседите ќе знаат. И случајни минувачи. А можеби и некој на TikTok, затоа што Лавот знае да драматизира. Но, и Лавот не сака да остане во лошо расположение. Кога ќе се „најаде“ од ситуацијата, повторно станува топла, забавна и лојална душа, носејќи ве во најдобриот ресторан во градот. И да, ќе зборуваат како сте се „скарале“ како да е некоја тривијална ситуација.