Утринската програма на РТС почна со половина час доцнење, објавија студентите во блокада од Факултетот за драмски уметници во Белград.
Како што велат, дел од работниците одбиле да влезат во зградата, а другиот дел воопшто одбиле да работат.
„Овде сме неполни 10 часа. Одиме понатаму, но само со сите вас. Сите што можат, нека дојдат на Кошутњак, Таковска. СИТЕ НА РТС“, напишале студентите на ФДУ на социјалната мрежа Икс.
Jutarnji program je počeo sa pola sata zakašnjenja. Deo radnika je odbio da uđe u zgradu, a drugi deo da uopšte radi. Tu smo manje od 10 sati. Idemo dalje, ali samo sa svima vama. Svi koji mogu, sad, Košutnjak, Takovska. SVI NA RTS
— FDU u blokadi (@sviublokade_fdu) April 15, 2025
За потсетување, студенти и граѓани синоќа околу 22 часот ги блокирале влезовите во зградите на РТС во Белград, како и зградата на Радио-телевизија Војводина во Нови Сад. Околу 5 часот утринава жандармеријата и интервентната полиција дошле во зградата на РТВ и ги истиснале студентите и граѓаните од главниот влез на зградата на јавниот сервис на Војводина.
„На улица Таковска жандармеријата ги опколи студентите, го легитимирше обезбедувањето, а потоа ги спроведуваше работниците на РТС низ ќебапчилницата“, пишуваат на „Х“.
Истовремено ги повикаа вработените во РТС да престанат со работа.
Раководството на РТС бара од студентите да се прекине блокадата на објектите на јавниот сервис и сметаат дека „единствената причина за оваа акција е намерата да се затвори РТС“.
„Блокирањето објекти и спречувањето на вработените во јавниот сервис да ја вршат работата за која се законски одговорни претставува неприфатлив притисок врз медиумите на кои граѓаните со години им даваат најголема доверба“, објави РТС.
Акцијата на студентите ја опишуваат како „насилство и незаконско однесување“, а раководството на РТС го свртува вниманието на студентите на фактот дека акцијата е во целосна спротивност со нивната декларативна поддршка за владеењето на правото и законите, што ја изразија во „Нишкиот едикт“, на претходниот протест.