САД подготвија план од седум точки за ставање крај на украинскиот конфликт, пишува британскиот весник „Телеграф“. Во текстот се наведува дека планот не дава никакви безбедносни гаранции за Киев и дека предвидува Русија да ја задржи контролата врз ослободените територии.
Според весникот, првите точки предвидуваат итен прекин на огнот и директни преговори меѓу Русија и Украина.
„Предлогот подразбира официјално американско признавање на суверенитетот на Русија над Крим и де факто признавање на другите територии ослободени од Русија“, пишуваат Британците.
Американската иницијатива предвидува и непречен пристап на Украина до вливот на Днепар и повлекување на руските војници од делови од регионот Херсон, велат авторите.
Весникот пишува дека специјалниот пратеник на американскиот претседател Кит Келог очекува денеска да добие одобрение од украинската страна во врска со споменатиот план.
„Овој план би бил шлаканица за Украина, бидејќи таа би изгубила територија без да добие јасни безбедносни гаранции од САД“, додава Телеграф.
„Вашингтон пост“, повикувајќи се на извори, претходно објави дека на состанокот за решавање на украинскиот конфликт во Лондон во среда, САД ќе им предложат на европските земји и Украина да го признаат Крим како руски, додека сојузниците на Киев се надеваат дека во замена ќе добијат безбедносни гаранции за Украина.