Трамп откри што го замолиле лидерите на ЕУ во врска со Путин

Американскиот претседател Доналд Трамп изјави дека лидерите на Европската унија го замолиле да го повика рускиот лидер Владимир Путин за да го решат конфликтот.

„Знаете, лидерите на Европската Унија ме замолија толку многу пати да му се јавам на Путин затоа што тој не одговара на нивните повици“, рекол Трамп во интервју за „NBC“.

Зборувајќи за евентуалното воведување нови санкции против Русија, американскиот претседател не ја исклучил можноста за негова поддршка за таков закон во американскиот Конгрес.

„Сè ќе зависи од тоа дали Русија ќе покаже намери насочени кон постигнување мир“, додал претседателот.