Според поранешниот тренер на Арсенал, Арсен Венгер, Манчестер Јунајтед и Тотенхем не треба да играат во Лигата на шампионите дури и ако ја освојат Лигата на Европа.
„Црвените ѓаволи“ и „петлите“ се блиску до пласман во финалето на вториот најсилен европски клупски турнир, а победникот на натпреварувањето ќе има право да учествува во Лигата на шампионите. Сепак, двата клуба се наоѓаат на 15-то и 16-то место на табелата во Премиер лигата.
„Тие треба автоматски да се квалификуваат за Лигата на Европа, но не мора да значи и за Лигата на шампионите. Особено кога сте во Премиер лигата, каде што ќе се квалификуваат пет екипи. Мислам дека тоа е нешто за кое УЕФА треба да размисли и да го разгледа. Од друга страна, луѓето ќе велат дека ова ја прави Лигата на Европа интересна и ги мотивира екипите“, прокоментира Венгер.
Од промените во Лигата на Европа во 2009-2010 година, ниеден тим што завршил пониско од 12-то место не стигнал до финалето и не го освоил турнирот. Во 2023 година, Севиља триумфираше, завршувајќи на 12-то место во Ла Лига, додека Фулам го загуби финалето во 2010 година, кога завршија на 12-то место во Премиер лигата.