Најмалку три лица загинале во голем украински напад со дронови на Тулската област, Москва и други руски региони, при што некои цели се до 2.000 километри оддалечени од границата со Украина, јавуваат руските медиуми, цитирајќи регионални функционери и Министерството за одбрана на Русија.
Градоначалникот на Москва, Сергеј Собјанин, соопшти дека руската противвоздушна одбрана утрово соборила два украински дрона кои летале кон Москва.
Две лица се хоспитализирани по нападот врз Тулската област, која на северот граничи со Московската област, соопшти гувернерот Дмитриј Миљаев.
The Arzamas Instrument-building Plant was hit by Ukranian drones.
55.3919423, 43.8363132
The facility produces essential parts for Russian missiles and aircraft.POV 55.3902616, 43.8345882
Source https://t.co/ftTYZwLRoH@FaytuksNetwork @GeoConfirmed @UAControlMap pic.twitter.com/N8eOcSLgh9
— Rocket Man🚀🇺🇸🇺🇦 (@Grimm_Intel) August 11, 2025
Според некои руски канали на Телеграм, нападот почнал во 3.55 часот в зори, а сведоците слушнале три силни експлозии. Очевидци изброиле најмалку пет дронови што летале на многу мала височина.
Во градот одекнале помеѓу 4 и 7 експлозии. Набргу потоа на разни Телеграм канали се појавија видеоснимки на кои наводно се гледа дрон како лета над руската фабрика „Арзамас“ за инструменти и мехатроника.
The fall of a drone on the plant.
POV 55.3919040, 43.8352152
Source https://t.co/9lsp5CdDGr@FaytuksNetwork @GeoConfirmed @UAControlMap https://t.co/P0aiLWBaN1 pic.twitter.com/eIHzs3bdUf
— Rocket Man🚀🇺🇸🇺🇦 (@Grimm_Intel) August 11, 2025
Има и снимки и фотографии од пожар во ојектот. „Арзамас“ произведува и делови за воздухопловната и вселенската индустрија на Русија.
Украинската Военоизвестувачка управа (ХУР) соопшти дека во неделата извршила далекудострелен напад со дронови на нафтената рафинерија Лукоиол-Уктанефтепереработка во република Коми, на северот на Русија, односно на повеќе од 2.000 километри од границата со Украина.
Според ХУР, таа рафинерија има клучна улога во снабдувањето на руските окупациски сили со гориво и мазива. Локалните жители на социјалните мрежи опишуваат дека слушнале некоку силни експлозии на подрачјето на рафинеријата, по што дошле пожарникари и други служби за итни ситуации. Според регионални Телеграм канали, пробиен бил најмалку еден складишен резервоар, а во градот немало струја и биле прекинати мобилните комуникации.
Ukrainian drones have for the first time reached the Komi Republic, striking near the Ukhta oil refinery. Locals reported loud explosions in the area, about 1,700 km from Ukraine. pic.twitter.com/0hwykF1zNN
— NOELREPORTS 🇪🇺 🇺🇦 (@NOELreports) August 10, 2025
Руското министерство за одбрана, пак, соопшти дека руските единици за противвоздушна одбрана (ПВО) уништиле 40-тина украински дронови во рок од неколку часа во неделата, вклучувајќи 11 над Тулската област, 1 над Московска област и останатите над четири други региони на југот и западот на Русија.
До украинскиот напад дојде неколку дена пред планираниот самит на претседателите на САД и Русија, Доналд Трамп и Владимир Путин, на Алјаска, со цел изнаоѓање решение за прекин на огнот во Украина и доаѓање до примирје.