Самитот меѓу рускиот претседател Владимир Путин и американскиот претседател Доналд Трамп во Алјаска ќе трае најмалку 6-7 часа, изјави денеска портпаролот на Кремљ, Дмитриј Песков. Според него, во базата на военото воздухопловство кај Енкориџ, Трамп ќе го дочека Путин на пистата кога ќе слета и ќе го прими првин во својот претседателски авион.
Беше најавено дека авионите ќе слетаат во исто време.
Потоа, од аеродромот во Енкориџ, двајцата претседатели и делегациите ќе се упатат кон воената база.
„Сега се чини дека во самитот ќе учествуваат и помошници. Потоа има преговори во рамките на делегациите, евентуално во формат на работен ручек. Потоа лидерите ќе се разотидат некое време, а потоа ќе се соберат на заедничка прес-конференција. Па, генерално, може да се замисли дека, се разбира, ќе бидат потрошени најмалку 6-7 часа за ова“ рече Песков.
Како што додаде, руската страна очекува средбата меѓу Путин и Трамп во Алјаска да заврши продуктивно.
Освен темата „Украина“, ќе се разговара и за други прашања, главно за нормализација на односите меѓу Москва и Вашингтон.