Тројца загинати во хеликоптерска несреќа при обука за пилотирање во Велика Британија

Три лица загинаа при пад на хеликоптер во претпладневните часови на британскиот остров Вајт, соопшти денеска полицијата на Хемпшир и на островот Вајт.

Полицијата во соопштение наведува дека „вкупно четири лица биле во леталото, а едно лице моментално е во болница во тешка состојба“, пренесува Скај њуз.

Компанијата „Нортамбриа Хеликоптер“ потврди дека едно од нивните летала, модел G-OCLV било вклучено во несреќата. Хеликоптерот паднал близу одморалиштето Вентнор.