Припадници на карабинерите во италијанскиот град Ферара уапсиле државјанин на Босна и Херцеговина кој е осомничен за нанесување повреди, злоупотреба и сексуално насилство врз малолетна Македонка.
Според италијанските медиуми, овој 25-годишен маж од БиХ наводно ја претепал и злоупотребил неколку пати откако ја „купил“ за да му биде сопруга од нејзината мајка.
Сè било откриено кога 14-годишната девојка избегала од човекот на кого нејзината мајка ја продала како жена. Случајот завршил со апсење на 25-годишниот маж.
Девојката била пронајдена на улица додека бегала од човекот кој штотуку ја претепал. Минувач повикал помош и се јавил на бројот 112, па карабинерите веднаш пристигнале, јавуваат босанските медиуми.
Малолетничката, како што е информираат од тамошната полиција, била донесена во Италија за да биде предадена како „сопруга“ за одреден паричен износ.
Девојката била хоспитализирана, но, во меѓувреме е пуштена. Таа им сведочела на карабинерите дека мажот ја претепал најмалку шест или седум пати.
Обвинителот во Италија наредил апсење на 25-годишникот, кој е осомничен не само за злоупотреба и нанесување телесни повреди, туку и за сексуални дејствија со малолетно лице. Поради ова кривично дело, обвинителството побарал тој веднаш да биде однесен во затвор.