Во утринските часови, по одделни котлини, ќе постојат услови за појава на магла. Ќе дува слаб ветер од променлив правец. Минималните температури ќе се движат од -6 до 1 степен, додека максималните дневни ќе достигнат од 6 до 13 степени.
Во Скопје се очекува сончево и тивко време со мала до умерена облачност. Минималната температура ќе се спушти до -4 степени, а максималната ќе достигне околу 9 степени.
За време на викендот следува промена на времето, ќе преовладува променливо облачно и постудено време, со појава на локални слаби врнежи. Во пониските места врнежите ќе бидат од дожд и снег, додека на повисоките места и на планините се очекува снег.
Дневните температури ќе имаат тенденција на опаѓање, а од средината на следната седмица се најавува стабилизирање на времето со суви услови.