Бугарските институции размислуваат што да прават со шест говеда што ја преминале македонско-бугарската граница и навлегле на бугарска територија во близина на ќустендилското село Ѓуешево. Како што пишува „БНР“, животните биле задржани и сместени во привремен општински објект за сточарство, додека комисија од бугарски и македонски надлежни органи одлучи какви мерки да се преземат.
Говедата биле забележани на територијата на Ѓуешево, а тамошната градоначалничка Татјана Георгиева ја информирала општинската администрација. Се нагласува дека животните биле фатени и транспортирани во привремениот објект.
Како што се истакнува, Регионалната комисија за контрола на храната, граничните и општинските власти ќе одлучат што да прават со нив.
Пред речиси осум години, меѓународен инцидент предизвика една крава, позната како Пенка, која нелегално навлезе од Бугарија во Србија, а според европските прописи, требаше да биде успиена. Но, како што пишуваа тогаш медиумите, српските власти под силен дипломатски притисок одлучиле да ја поштедат Пенка и да му ја вратат на стопанот во ќустендилското село Олтоманци.