Љ. К. бил уапсен во близина на српскиот град Врање откако тамошната полиција пронашла 3.000 кутии нелиценциран тутун во неговиот автомобил, со што го оштетил српскиот буџет за 8 милиони динари (над 4 милиони денари).
„Припадници на полицијата во Врање, по наредба на Основното јавно обвинителство во Врање, го уапсија Љ. К. (34) од Република Северна Македонија, поради постоење основи на сомнение дека сторил кривично дело нелегална трговија со акцизни стоки“, објавија српските медиуми.
Полициските службеници кај местото Митровац во близина на Прешево во комбе управувано од Љ. К. пронашле 3.000 кутии со 750 килограми тутун за наргиле „Џибиар“, без акцизни маркички на Република Србија, како и доказ за потекло и придружна документација.
Се сомнева дека запленетите акцизни стоки биле наменети за понатамошна продажба, со што е нанесена штета на српскиот буџет за околу 8.000.000 динари. Осомничениот е приведен до 48 часа и ќе биде приведен во надлежното обвинителство со кривична пријава.