Сѐ помалку луѓе се сеќаваат дека кон подарокот, по каков и да било повод можат да додаваат честитка. Сите се навикнати да подаруваат картички само за роденден. А, сите други прилики?
Еве на пример сега за Велигден – одите на гости на свекрвата, мајка, пријателите, кумовите или кој и да е. Сигурно ќе им однесете бојадисани јајца во некоја кошничка или пакетче. Штове спречува да ставите и една разгледница со убава желба или стих ?
Храната ќе се изеде, но честитката ќе остане да ги топли срцата во тешки моменти. Колку и да не ни се сака и такви денови има – тажни, душевно врнежливи и депресивни и токму во такви денови е прекрасно да најдете такви убави спомени и да ги разгледувате.
Тогаш се сеќаваме дека сепак некому некаде му е грижа за нас и ни станува полесно да ги надминеме тешкотиите.
А не е тешко да направиме картиќка. Сега ќе ви дадеме една супер, мега, ултралесна идеја (како што велат децата).
Потребно ви е само едно картонче, фломастер и едно јајце од филц . Залепете го јајцето на картичка и со фломастерот нацртајте или напишете нешто.
Картичката е подготвена. Може да направите такви за сите ваши пријатели и познаници. А, може и да ја оставите на вратата во последен момент. Важно е колку срдечна и искрена ќе биде желбата внатре. Оставете ги клишеата, истурете го вашето срце.
И картичката ќе стане вистинска и незаборавна .