Ако сте на диета, по долга ноќ на гладување наутро вашето тело ќе се моли за калоричен, голем појадок. Добро е да се наполни организмот со енергија, но треба да бидете внимателни. 
Некои класични утрински појадоци се очигледни натрапници во диетите. Подобро изберете поизбалансирани, здрави алтернативи.
Еве и пет закуски кои можат да ја попречат диетата без да се сомневате.
1. Засладени житни култури
Многу луѓе сметаат дека житните култури во кутии се идеална опција за појадок, некои од нив сепак се премногу засладени. Во исто време тие имаат ниска хранлива вредност, како витамини и минерали, здрави масти, влакна и протеини. Тие ќе ве заситат за кратко, а по еден час повторно ќе сте гладни.
2. Палачинки или вафли
Палачинките и вафлите се очигледно калоричен појадок, полн со прости јаглехидрати (што значи дека се трошат брзо). Дури да ги јадете со сирење, во нив сепак нема содржина на влакна, кои се во основата на секој балансирана појадок. Добриот појадок е комбинација од протеини и масти со минимално преработени јаглехидрати, кои се богати со растителни влакна, на пример, пржени јајца со зеленчук, пченкарен леб.
3. Сок од портокал
Овој појадок всушност изгледа корисен и диететски, но во него нема доволно хранливи материи, кои ќе ви дадат енергија во текот на денот. Подобро потпрете се на зеленчуков сок, во кој има влакна и нема шеќер. Најдобро е да си направите смути со нискомаслено млеко, билки, овошје и зеленчук.
4. Парчиња леб намачкани со крем сирење
Белиот леб е калориска-бомба – дури и да изедете само една кришка, пак ќе консумирате премногу прости јаглехидрати. Ако додадете и крем сирење, навистина појадокот ќе стане неприфатлив за време на диета. Подобро каснете една кришка црн леб со парче отсолено сирење или со моцарела и домат.
5. Овошен јогурт
Многу луѓе мислат дека овошниот јогурт е здрав избор за појадок. Во повеќето подготвени млека сепак, има вештачки бои, шеќер и мириси.
Подобро да си земете еден обичен јогурт и исецкате во него неколку јагоди, цреши, кајсии или малини, додадете ги омилените јатки или пак ставете овесни трици.Ова е многу добар извор на калциум, протеини, пробиотици и здрави масти.