Судбината на Хрватот Томислав Салопек, кој беше земен како заложник од египетската група “Провинцијата Синај на Исламска држава” во средата, останува непозната, иако вчера египетските служби за безбедност започнаа операции за потрагата по него, пренесоа хрватскиот информативен портал Индекс.
Безбедносните сили претресле вчера неколку наводни терористички засолништа во градовите Ариш, Рафах и Шеик Зувејд, за да се обидат да соберат информации за Салопек. Хрватскиот весник “Јутарњи лист” објави дека во ловот на терористите биле ангажирани и хеликоптери “Апачи”.
Хрватот Томислав Салопек, кој работи за француска компанија во Египет, беше киднапиран крај Каиро на 22 јули, а во средата египетската група “Провинцијата Синај на Исламска држава” закачи во интернет видео во кое се закани дека ќе го убие заложникот, ако за 48 часа египетските власти не ослободат од затвор “муслимански жени”.
Во петокот некои медиуми објавија дека киднаперите најверојатно ќе го продолжат ултиматумот поради одлуката на египетската влада да ги разгледа нивните барања.
Ова е првото киднапирање, извршено од египетската филијала на “Исламска држава”. Светските медиуми објавија дека случајот ја загрижи заедницата на странските работници во мултинационални компании во Египет и покажал дека исламистите имаат капацитет за исполнување на своите планови и покрај масовната кампања која египетските служби за безбедност ја водат против нив.
Највисоката египетска исламистичка институција “Ал Азхар” осуди киднапирањето на Хрватот, велејќи дека “исламот забранува земањето заложници, бидејќи тоа е вид пиратство и напад врз невини луѓе, дури и ако овие луѓе не признаваат исламот”. “Ал Азхар” повика терористите да ослободат киднапираниот Салопек, предупредувајќи дека “Аллах ќе ги казни, ако не го стори тоа”.
Хрватската влада продолжува да дејствува за олеснување на судбината на Салопек, а додека агонијата продолжува, многу земји понудија помош.
Францускиот амбасадор во Загреб Мишел Боказ изјави синоќа дека француската влада одржува контакт со египетските колеги кои работат интензивно на случајот и колку што е познато, постигнаа значителен напредок во разговорите со екстремистите од “Исламска држава”.
Вчера сајтот Нюздей 24/7, кој одразува вести од земји од Источна Африка, соопшти дека, според извори од египетската група “Провинцијата Синај на Исламска држава” Салопек бил обезглавен, но слична информација досега не е потврдена официјално од ниту еден друг извор.