Граѓаните на Македонија ќе се задолжат за нови 500 милиони евра

Граѓаните на Македонија ќе се задолжат за нови 500 милиони евра. Новата еврообврзница државата ќе ја издаде до крајот на годинава. Парите ќе бидат наменети за покривање на буџетските дефицити за оваа и следната година и за рефинансирање на старите долгови.

Рокот за отплата е 10 години, а ќе се издаде преку претставништвото на Дојче Банк во Лондон.

Одлуката за издавање на еврообврзницата, владата ја донела на 20 октомври, а објавена е во Службен Весник на 02.11.2015.
Македонија по четврти пат се задолжува на мeѓународнитe пазари. Вкупното салдо на задолжувања со еврообврзница изнесува 1,325 милијарди евра.