Полни продавници и ходници со луѓе, главно млади, со по неколку кесиња тешко се движат низ гужвата во Скопје сити мол по повод т.н. Црн петок – првиот ден по американскиот празник Ден на благодарноста, кој како можност за шопинг со попусти, очигледно заживува и кај нас и добива македонска димензија.
Приодите кон Сити мол и паркинзите од утрово се полни со автомобили.
Во овој најголем центар во земјава попустите кои ги нудат продавниците се движат од 10 до 50 проценти.
Македонската асоцијација за рударство: Да се најде “чаре” за Тораница и Злетово
Пред сите продавници кои се вклучени во акцијата на излозите е истакнато колкаво е намалувањето што го нудат на овој ден.
Купувачите се жалат дека во некои продавници попустот е само на некои артикли, а не на сите, како што тие очекувале.
Секоја од продавниците има различен тип на попуст, како на пример, дисконт за сметка над одредена сума на пари.
Продавачите не сакаат да откријат за колку е зголемен бројот на купувачите или прометот, но потврдуваат дека за денес ангажирале поголем број вработени.