Специјалниот дописник на рускиот весник Андреј Колесников раскажува во материјал од светската конференција за климата во Париз како турскиот претседател Реџеп Ердоган се обидувал да се сретне со рускиот лидер.Новинарот опишува како Ердоган се движел како “месечар” низ ходниците на форумот, без да обрнува внимание на новинарите.

Додека останатите претседатели  на 147-те земји претставени на форумот, работеле, Ердоган едноставно  “висел” низ ходниците, пишува авторот на материјалот. Француски новинар прашал која е оваа личност, зашто не успеал да разбере по кого трчаат претставниците на медиумите.Неочекувано жена од опкружувањето на рускиот претседател појаснила дека тоа е оној човек кој  го урнал   рускиот авион. Тогаш францускиот новинар почнал да вика прашувајќи го турскиот претседател дали ќе се извини за соборениот руски  Су-24, но тој не му одговорил. Излегува според Колесников, дека цело време Ердоган обиколувал покрај собите, “каде Владимир Путин се сретнувал  прво со американскиот колега Барак Обама, потоа со (кинескиот претседател) КСи Џинпин, а потоа и со германската канцеларка Ангела Меркел и со премиерот на Израел Бенјамин Нетанјаху “. По околу четвртина час, според” Комерсант “, еден од членовите на руската делегација го сретнал Ердоган на влезот на тоалетот. “Фала богу дека не наиде на Владимир Путин таму”, иронизирам Колесников. Еден од ретките лидери со кои Ердоган успеа да се сретне во Париз, беше украинскиот претседател Петро Порошенко. Двајцата шефови на држави определија дека  односите меѓу двете земји ом се  “беспрекорни”, наведува весникот.