Руските војници во авиобазата во Хмејмим во Сирија го слушаа новогодишното обраќање до нацијата на претседателот Владимир Путин и министерот за одбрана на Русија Сергеј Шојгу под татнежот на бомбардирањата соопшти ТВ “Ѕвезда” .

Тие го прославија доаѓањето на новата година по московско време. Персоналот се собра под 15-метарска елка, донесена специјално од Русија. Во Сирија температурата е 15 степени, но и покрај тоа Дедо Мраз стигна и до руските војници во Блискиот Исток, најавуваат од телевизијата.