88
Заменик министерот за труд и социјална политика, Диме Спасов, поднесе уште една кривична пријава против министерката, Фросина Ташевска-Ременски бидејќи не ги враќа на работа разрешените директори на центрите за социјална работа и јавните установи.
14 директори ја обвинуваат Ременски за неизвршување на судската одлука на Управен суд кој ги суспендираше нејзините решенија за смена на директорските позиции.
Според пријавата на оштетените, Управен суд одлучи министерката да биде обврзана да ги врати разрешените директори на старите места.
Ременски, пак, пред еден месец најави дека ќе ја обжали одлуката пред Вишиот Управен суд. Според неа, не треба да презема правни дејствија по решенијата се до правосилност на пресудата, односно, како што изјави, не мора ниту да ги укинува решенијата за разрешување, ниту да ги укинува решенијата за назначување на в.д. директори.
Ова е само уште една од низата кривични пријави што заменик министерот и министерката ги поднесуваат меѓу себе.