Во извештајот што специјалната јавна обвинителка, Катица Јанева, денеска го достави со Собранието, Советот на јавни обвинители и до медиумите, првпат прецизно е наведена бројката на снимки од незаконски прислушуваните разговори, од кои, според она што може да се види, мал дел објави опозицијата минатата година.
Пописот на материјалите што лидерот на СДСМ, Зоран Заев, ги достави до СЈО на 30 декември минатата година, односно еден хард-диск и шест кутии со транскрипти во печатена форма, кои по приемот биле сместени во сигурносни сефови што ги исполнуваат безбедносните стандарди за чување ваков вид материјали, покажал дека во нив има:
Ахмети пред амабасадорите на ЕУ: Изборите на 5. јуни, суштинските елементи од Договорот се веќе спроведени
- 546.948 фајлови на екстерниот хард-диск, од кои 540.646 се аудиофајлови и 6.302 фајлови со различен формат (word, excel, PDF и други);
- 23 спирално укоричени книги со вкупно 18.155 страници;
- 119.088 транскрипти од разговори и од СМС-пораки, содржани во книгите;
- 1.828 листови со испечатен текст кои не биле нумерирани, а кои Комисијата ги нумерирала со бројки од 1 до 1.828;
- 619 страници содржел записникот од пописот на Комисијата на материјалите.
Од почетокот на аферата почна и лицитирањето со количеството на прислушувани разговори. На денот на предавањето на материјалите, Заев, одговарајќи на новинарско прашање дали ги предал сите 600.000 разговори, рече дека „сите разговори што ги добивме, сите се доставени“.