Во сончевиот Глазгов многу гласачи не кријат денеска дека се за останување на Велика Британија во ЕУ, а знаеја и дека гласање за излегување од заедницата може да доведе и до независност на Шкотска.
“Да се биде во ЕУ е предност за Шкотска. Ќе биде глупаво да ја напуштиме “, вели Гема Росарија, 24-годишна чиновничка, која доаѓа да го даде својот глас на референдумот во источниот дел на Глазгов – најголемиот град на Шкотска. “Не би сакала да дојде до” Брекзит “, но ако се случи, тоа може да биде од корист за Шкотска, бидејќи можеме да спроведеме нов референдум”, расудува Росарија, што открива дека таа била “за” за гласањето за независност во 2014 година.
Тогаш приврзаниците на независна Шкотска не успеаја да победат и добија 45% наспроти 55% за останување во Велика Британија. Шкотската национална партија која се бори за самостојност од Лондон, доминира во шкотската политика и сеуште сака независност, но вели дека ќе свика нов референдум, само ако има јасно мнозинство од граѓани кои се за независност по гласањето во корист на “Брекзит “.
Ердоган: Што ќе прават лидерите на ЕУ, ако ги отвориме границите и мигрантите тргнат кон Европа
“Ако ја напуштаме ЕУ, сакам да раскинеме со Велика Британија”, смета Мајкл Ренфрју – 23-годишен студент по економија, кој има густа брада и носи апостолки. Тој предвидува дека процесот на донесување одлуки и власта ќе станат многу централизирани во Лондон.
Аманда Вокер – 42-годишна учителка, додава: “Подобро да го зачуваме она што го имаме.” Таа смета дека денешното гласање е важно за нејзината ќерка со школска униформа. На блискиот паркинг 49-годишен маж раздава летоци во поддршка на еврочленството и предвидува дека Шкотланѓаните масовно ќе гласаат за ЕУ.
Испитувањата покажуваат дека Шкотланѓаните се многу по-проевропски настроени од Англичаните, кои се длабоко поделени. Шкотскиот премиер Никола Старџон рече дека Шкотска очекува силно гласање во корист на зачувување на еврочленството и тоа може да го балансира резултатот на национално ниво.
Старџон посочи дека е “многу важно Шкотска и Велика Британија да останат во ЕУ, бидејќи таму има многу работни места, трговија и инвестиции, кои зависат од местото во заедничкиот пазар”. “Испитувањата покажуваат дека резултатот ќе биде на кантар на национално ниво, затоа е навистина важно да се гласа, ако сакаме да сме сигурни дека местото во ЕУ ние е заштитено дека нема да дозволиме на внатрешните поделби меѓу ториевците кои ќе не остават надвор од Европа “, додаде Старџон. Винсент Мелон – асистент физиотерапевт, вели дека Англија и Шкотска би требало да се со еднакви права. “Ако само Англија гласа за излез, нема да е фер”, смета тој. Таксистот Џејмс Балантајн сепак, најави дека ќе гласа за излез од ЕУ. “Има премногу мигранти од Европа. Доаѓаат тука и добиваат работа, помош “, истакнува тој и заклучува дека Шкотланѓаните треба да си ја вратат контролата врз нивната земја. / АФП