Доста вознемирувачки е да си само на 10 години, а да тежиш цели 192 килограми. Ова е приказната на Арја Перм, раскажана од Daily Mail.
Момчето живее во Индонезија. Тоа немало големи димензии како се родило.Мајка му објаснува дека имал 3,2 килограми, но полнејќи две години почнал да станува полничок.
Во почетокот неговите родители не се грижеле и го прифатиле како покрупен, но во еден момент неговата тежина излегла надвор од контрола и сега го загрозува неговиот живот.
Денес велат дека тој е најдебелото дете во светот. Јаде по пет пати на ден. Менито вклучува ориз, риба, телешко, супа од зеленчук – количество кое спокојно може да нахрани двајца возрасни.
Поради килограмите момчето го напушта училиштето, бидејќи не може да оди, а мајка му Рока изјави за весникот дека тој е вечно гладен.
Според неа, тој има огромен апетит и е постојано уморен. Се жали од недостиг на воздух. Секојдневието му поминува единствено во јадење, спиење и од време на времеотскокнување во кадата во која останува со часови.
Во моментов родителите на Арја се обидуваат да му ја ограничат количината храна и го подложиле на диета, вклучувајќи исклучиво кафеав ориз.
“Син ми расте со брзо темпо и сум загрижена за неговото здравје. Не знам друг начин даго запрам да стане потежок од овој да му давам помалку храна “, објаснува уште жената.
Според неа Арја може да прави сосема мали чекори без да изгуби рамнотежа. А, нејзиниот најголем сон е да го види своето дете да учи, да игра со другите деца во соседството.
Арја е вториот син на 35-годишната Рока и 45-годишниот земјоделец Аде Сомантри. Двајцата родители го воделе по лекари, кои сепак не откриле ништо ненормално за загрижувачката тежина.
“Ако сметаме дека му треба подобра медицинска помош, лекарите ни рекоа да го однесеме во подобри болници – раскажува таткото и додава дека ја нема таа можност, бидејќи веќе има потрошено доста пари за лекувањето на Арја.
Тој изјави уште дека нема доволно пари за да го храни своето дете, бидејќи заработува 100 фунти месечно и понекогаш му се наметнува да земе заем. Се надева дека ќе го види еден ден детето нормално.