Драматични снимки на маж кој се испречува пред тенкови, движејќи се брзо по улиците на Истанбул, беа распространети од приватната новинска агенција “Доган”.
На снимките од ноќта на неуспешниот обид за државен удар на 15 наспроти 16 јули се гледа како тој излегува на улицата, фрла нешто против тенковите и се фрла меѓу гасениците кога тие минуваат. Едниот водич запира над мажот, а член на екипажот разгледува од куполата дали не го згазиле, по што машината продолжува.
Турските медиуми открија кој е протестирачот – 34-годишниот Сабри Унал, а инцидентот се случил во истанбулскиот кварт “Ускудар”.
“Вистинските херои од оваа историска ноќ се загинатите и повредените. Јас помогнав само со протест, продолжив веројатно една минута”, објаснува мажот во болница, каде што добива медицинска помош.
“Фрлајќи со камења и им правев знаци да запрат. Но кога видов дека не запираат и ќе прегазат, само легнавме меѓу гасениците. Фала му на Бога, преживеав и станав. Но потоа дојде втор тенк. Се обидов да го избегнам, но видов дека нема да успеам, повторно легнав на асфалтот. Вториот тенк ми ја скрши раката. ”
На кадрите навистина се гледа дека откако вториот тенк одминува, Сабри Унал продолжува да лежи и луѓе притрчуваат на помош.