Познатиот американски експерт за состојбите на Балканот Даниел Сервер смета дека демаркацијата на границата со Црна Гора може да го дестаблизира Косово, доколку одредено политичко движење успее да мобилизира насилство.
Според Сервер, демаркацијата може да се случи, иако, додава тој, Косово има многу позначајни прашања отколку обележувањето на граничната линија со соседната земја.
– Ова прашање може да биде дестабилизирачко доколку едно политичко движење успее да мобилизира насилство за да ги реализира сопствените цели. Има многу позначајни прашања во Косово отколку демаркацијата со Црна Гора, која, кога и да биде усвоена, ќе биде еден позитивен чекор. Демаркацијата со Црна Гора ќе биде едно добро нешто. Јас сум во очекување на денот кога ќе биде обележана и границата со соседната земја Србија, изјави американскиот аналитичар за balkaneu.com.
Договорот за демаркација на косовско-црногорската граница на дневен ред е на денешната седница на парламентот во Приштина. Тоа требаше да биде единствена точна на дневен ред, но вчера доцна попладне е соопштено дека на седницата ќе има уште дна точка, а тоа е интерпелација за премиерот Иса Мустафа.
Во меѓувеме, поради најавените масовни протести пред парламентот, косовската полиција ја подигна готовеноста и видно е засилено обезбедувањето на овој и други државни институции