Кралицата на попот Мадона беше удостоена со уште една титула – Жена на годината на списанието “Билборд”, соопшти Контактмјузик. Пејачката ќе го добие почесното признание за 2016 година на 9 декември во Њујорк, кога ќе се одржи 11-тата годишна церемонија за наградите Жени во музиката на списанието “Билборд”.
“Мадона е меѓу ретките ѕвезди чие влијание и кариера излегуваат надвор од музиката. со креативни визии, со неуморно иноваторство и со посветеност кон филантропски каузи таа е инспирација за стотици милиони луѓе низ светот, додека бележи рекорд по рекорд во кариерата “, вели Џенис Мин, претседател на “Холивуд репортер / Билборд мидиа груп”.
За Мадона поголемиот дел од годината измина во концерти од турнејата нејзината “Rebel Heart”, за кое беа продадени над 1 милион билети. Приходите од концертната турнеја на 58-годишната Кралица на попот надминуваат 170 милиони долари.
Со заеднички приходи од турнеи, висината на импресивните 1,31 милијарди долари, Мадона е најбогат самостоен концертиски изведувач во историјата на “Билборд”.
Со осум албуми, кои предводат во рангирањето на весникот, и со 21 албум во Топ 10, пејачката е и првак по продажба меѓу дамите во музиката. Мадона исто така го држи рекордот за најмногу хитови во Топ 10 на чартот за синглови на “Билборд” – 38.