Најевтиниот нафта требаше да предизвика проблеми на Путин и да го лиши од “ресурси” за скапи војни во Сирија и Украина, пишува Волфрам Вајмер во The European.На овие надежи сепак не беше судено да се обистинат и Москва стана глобален играч, кој постигнал “политички успеси “во Европа и на Блискиот Исток.

Времето на ниските цени, сепак може да се покаже како поминато , пишува авторот. Рускиот претседател Путин се бори за нови глобални цени и “нов ОПЕК”. По неговата изјава во Истанбул на конференцијата за енергетика дека Русија може да го ограничи производството и  ги повика за тоа и другите извозници, ја кренаа цената  на  нафтата веднаш со 3% . Ако Путин успее да создаде “нов ОПЕК”, тоа во иднина ќе му создаде на Западот сериозни непријатности.

Како што пишува Вајмер, иако со својата “воена и политичка агресија” Путин си освои многу непријатели, независно од насилството во Сирија и лошата репутација на Запад , тој доби многу политички успеси:

Прво, светската јавност веќе “тивко” го призна Крим за руски;

Второ, Путин  ја подели Украина и шансите  на земјата повторно да стане “суверена, единствена држава” се  намалуваат со секој месец;

Трето, воената “интервенција” во Сирија и даде на Русија моќ и влијание во Блискиот Исток и секое мирно решавање без Москва е незамисливо;

Четврто, преку нови политички сојузници (Пекинг, Техеран, Анкара) тој создава стратешки нов  простор.

“Сето ова во збир ја  прави Москва глобален играч” – резимира Вајмер.