Скот второ коло по ред во идеалната петорка на АБА лигата

Кошаркарот на МЗТ Скопје Аеродром, Џош Скот второ коло по ред си обезбеди место во идеалните пет од регионалното натпреварување.

Американецот во неделата во победата над Олимпија имаше значаен придонес со дабл-дабл ефект од 18 поени и 11 скока од кои седум офанзивни, за 22 минути игра. Со овој учинок тој заработи 27 индексни поени.

За МВП (најкорисен играч) во осмата рунда прогласен е Џејмс Шоун од Бундуќност со 39 индексни поени.

Во ТОП 5 уште се: Анте Жижиќ (Цибона) со 32 инд. поени, Карло Жганец (Цедевита) 30 и Филип Човиќ (ФМП) 29 инд. поени