Менаџерот на Манчестер Сити Хосеп Гвардиола го коментираше интервјуто на Самир Насри во кое фудбалерот откри за “секс забрана”, наметната од тренерот. На прес-конференцијата на Пеп синоќа, тренерот дискутираше за темата со претставниците на медиумите.
Откако претставниците на Манчестер Сити се обидоа да го спречат прашањето, шпанскиот стручњак го охрабри: “Давајте! Станува збор за Самир Насри, за сексот, нели тоа сакате да прашате?”.
Гвардиола сепак исто беше спречен од предвидливиот портпарол до себе, пред друг новинар да се осмели исто така да го покрене прашањето. Тренерот беше запрашан дали сам го почитува правилото за “никаков секс по полноќ”.
Забавниот одговор не задоцни: “Невозможно е да играш добар фудбал, ако немаш секс. Никогаш не би направил такво нешто, треба да направат повеќе. Колку повеќе секс, толку подобри играчи ќе бидат.”