Австрија е должна самата да ги извршува своите обврски и нема да дозволи да биде заплашуван од страна на Турција. Тоа, го рече австрискиот канцелар Кристијан Керн при испраќањето на новата група војници кои помагаат при обезбедувањето на границата од илегална миграција во реонот на Bruknojdorf.
За нас е особено важно Австрија сама да си ги брани границите и сама да одлучува кој може да влезе во земјата. Влегувањето во земјата не може да станува преку шверцери на луѓе, рече уште Керн и додаде: Придонесот на армијата во овој поглед е одличен. Многу е важно да бидеме внимателни, бидејќи т.н.. балкански пат не е целосно затворен. Освен тоа, за сите е јасно дека причините за миграцијата ќе бидат голем предизвик во следните години. Поради оваа причина сами треба да се подготвиме, истакна канцеларката. Австрискиот министер за одбрана Ханс Петер Доскоцил соопшти дека секој ден по “балканскиот правец” минуваат по 250-300 лица кон Централна Европа. Австриската армија е во состојба да си ги брани државните граници, но Европската унија, поради настаните во Турција, треба да постигне договор за заедничка заштита на надворешните граници, рече министерот. “Веќе нема да биде можно една држава сама да ги брани своите граници, како што се случи во изминатата година”, предупреди Доскоцил и соопшти дека ќе има средба на министрите за одбрана и за внатрешни работи од Централна Европа, на која ќе биде донесена одлука кои граници да бидат заштитени.
Локално.мк потсетува дека пред три дена Ханс Петер Доскоцил отворено изјави дека “земјите од Централна Европа ги земаат работите во свои раце” во борбата против нелегалната миграција. Вчера австриската армија доби нови апарати за ноќно гледање “Mini”, кои ќе ги заменат досегашниот модел “Lusi”.