Конечно се случи: долгоочекуваното Викторијас Сикрет шоу за 2016. Ангелите на брендот за долна облека прошетаа вчеравечер на пистата во Grand Palais, на модната ревија што ја карактеризираат како најголемото модно шоу во светот, кое за првпат се одржа во Париз.
Адриана Лима, Џиџи и Бела Адид, Кендал Џенер, Алесандра Амброзио и уште низа секси девојки чекореа на годинашниот спектакл.
Како ангел се појави и Ирина Шајк во долна облека за првпат откривајќи го пред јавноста своето бремено стомаче од бебето кое го очекува од Бредли Купер.
Присутните ги забавуваа музичките гости Лејди Гага, Бруно Марс и „Д Викнд“.
Најголема атракција беше градникот опшиен со дијаманти, кој чини 2,4 милиони долари, што го дизајнираше Еди Борго, а го носеше Јасмин Тукс.
Амбросио заведуваше со секси облека, но и со поглед, Бела успешно дебитираше на шоуто, Лима не ја штедеше насмевката што освојува, Кендал прикажа секси црно-бела комбинација, а Џиџи носеше црни крилја.
Сите претставени модели и сè што се случуваше на и зад сцената, видете ги во галеријата: