Избран за претседател на САД, Доналд Трамп ја собира најбогато владејачка администрација во американската историја, пишува “Вашингтон пост”, пренесоа агенциите. Меѓу најавените од него кандидати за високи позиции има неколку мултимилионери, наследник на огромно семејно богатство и двајца милијардери од листата на списанието “Форбс”.
Проширените информации за составување на идната администрација укажуваат дека наскоро Трамп може да додаде уште супер-богати луѓе во листата со потенцијални назначувања. Кога поранешниот претседател Џорџ Буш го собра својот прв кабинет во 2001 година, медиумите го опишаа како тим од милионери, а државни контролни органи го покренаа прашањето дали тие имаат идеја од проблемите со кои се соочуваат повеќето Американци.
Овие луѓе, земени заедно, имаа пресметано со отчитување на инфлацијата нето богатство од околу 250 милиони долари – речиси десет пати помалку од благосостојбата само на избраниот од Трамп кандидат за министер за трговија. Многу од избраните од Трамп кандидати за позиции во власта се родени богати, учеле во елитни институции и имаат стекнато уште поголеми богатства како возрасни. Нивнаата вкупна благосостојба на многу начини е во контраст со популистичките предизборни ветувања на Трамп.
Бизнис врските, особено со Волстрит, предизвикуваат критики од демократите. Но изборот на овие кандидати, исто така го зајакнува тезите од Трамп во кампањата, дека личностите не се дел од врхушка во Вашингтон, но знаат како да се справат со постоечката “манипулативен” систем и да го користат најдобро што можат за да го поправат овој систем во служба на работничката класа, коментира “Вашингтон пост”.
Во предизборната кампања Трамп зборуваше против Волстрит. Во предизборен клип тој критикуваше “една глобална структура, одговорна за економските одлуки, кои ја ограбија нашата работничка класа, ја лишија нашата земја од богатството и ги ставија овие пари во џебовите на неколку големи корпорации”. Видеото ја покажуваше њујоршката берза, милијардерот Џорџ Сорос и извршниот директор на инвестициската банка “Голдман Сакс”. Сега Трамп избира поранешен висок функционер на “Голдман Сакс” и човек кој има инвестирано заедно со Сорос, да раководи со економската политика при неговото претседателство, истакнува “Њујорк тајмс”.
Со изборот на Стивен Мнучин, кој работел во “Голдман Сакс”, а потоа станал гувернер на хеџ фонд и холивудски финансиер, за министер за финансии се оформува ново економско водство во Вашингтон. Мнучин ќе се приклучи на инвеститорот милијардер Вилбур Рос Џуниор, избран за министер за трговија, и сопственикот на безбол тимот “Чикаго Кабс” Тод Рикетс, определен за заменик-министер за трговија.
Сите тие се супер-богати, а на чело на овој тим е првиот милијардер, избран за претседател во американската историја. Изборот на Мнучин и Рос е најсилниот сигнал дека Трамп планира да укаже на политики, благонаклони кон Волстрит, со намалување на даноците и слабеење на регулацијата. Овој пристап е поздравена од инвеститорите, но влегува во остар контраст со популистичката кампања, која ја водеше Трамп, и со поддршката добиена за него од работничката класа во САД.
Никој од избраните досега кандидати за високи позиции поврзани со одредувањето на економската политика, немаат посебен искуство во управувањето, истакнува весникот.