Во последниот четвртфинален натпревар од Светското првенство во ракомет одигран во Монпеље, репрезентацијата на Хрватска ја совлада Шпанија со 30:29. Натпреварот беше решен по драматичен финиш, иако Хрватите во два наврата имаа и пет голови предност.
Нешто порано заврши средбата меѓу Катар и Словенија на која триумфираа Словенците со 32:30. Селекцијата предводена од поранешниот македонски селектор Веселин Вујовиќ, ја имаше контролата на резултатот во текот на сите 60 минути, на средината на второто полувреме стигна и до највисоки девет голови предност и на крајот заслужено е во полуфиналето.
Претходно во текот на денот за полуфинале се изборија Норвешка по триумфот над Унгарија со 31:28 и домаќинот на Мундијалот Франција по победата над Шведска со 33:30.
Првото полуфинале ќе се одигра утревечер меѓу Франција и – Словенија, а во петок ќе играат Хрватска – Норвешка. Почетокот на двете средби е во 20:45 часот./МИА