Специјални туристички тури, кои го вклучуваат родното место на новата прва дама на САД Меланиja Трамп, се организираат во Словенија.
Меланиja Кнаус е родена во градот Ново место, но е израснaта во Севнице, во југоисточниот дел на земјата.
Екскурзијата прави обиколка на местата каде Меланија живеела и работела пред да замине за САД, соопшти градоначалникот на Севнице Среќко Оцвирк. Градоначалникот наведува дека има зголемен интерес како кон местата поврзани со животот на Меланија, така и со оној на обичните Словенци.
Најбарани се екскурзиите “Севнице – првата дама” и “По стапките на Меланија” организирани од локалната туристичка агенција “Мураница” (Muranica). Турнејата вклучува и посета на локалниот замок и продавница за сувенири поврзани со Меланија Трамп. Достапна е исто дегустација на национални јадења. Екскурзијата е еднодневна и чини 35 евра.