Публиката на филмскиот фестивал во Берлин беше потопена синоќа во иновативен мултимедијален проект на нуклеарна војна, кој изразува стравувања од појава на таква во догледна иднина.
“Бомбата” на режисерите Кевин Форд и Смрити Кешари и новинарот Ерик Шлосер ги опколија посетителите со екрани од подот до таванот и музика во живо.
Креаторите на лентата ги користеа шокот и ужасот, до кои води доживувањето на вакви настани. Тие ги “бомбардираа” гледачите и емитуваа архивски снимки од експлозии, како и стари телевизиски реклами кои ја величат нуклеарната енергија.
Режисерите тврдат дека нивната порака не може да биде појасна, при девет земји кои поседуваат околу 15 000 нуклеарно оружје, а 90% од нив се во САД и Русија.
Ерик Шлосер критикуваше слични политики на насилство.
“Додека членовите на американската армија кои учествуваат во програмата за нуклеарно оружје, мораше да се подложат на серија тестови кои ја обезбедуваат нивната сигурност, такви не се применуват на американскиот претседател”, рече новинарот.
Авторите на филмот се убедени дека најголемите закани за човештвото се климатските промени и нуклеарното оружје.
Инаку расположението меѓу публиката беше доста контрастно. Многу гледачи велат дека се збунети и уплашени, а други се восхитуваа на “естетиката” на инсталацијата.
Филмскиот фестивал во Берлин ќе трае до 19 февруари.