Човекот кој се закани со бомба во Белата куќа рече дека комуницирал телепатски со Трамп

29-годишниот маж, кој беше уапсен пред Белата куќа за лажна закана за бомба објави дека често, често си зборува телепатски со Трамп, а експлозивите за кои соопштил всушност биле огромен астероид. Ова го пишува  “Метро”, повикувајќи се на судската документација.

Локално потсетува дека осомничениот Шон Патрик Кеуан беше уапсен во саботата, откако беше поминал низ контролниот пункт на Белата куќа со украден автомобил. При излегувањето од автомобилот тој им рекол на “Сикрет сервис” дека во багажникот има бомба, по што се оставил да биде уапсен.

Пред судот денес тој изјавил дека во јакните во багажникот всушност немало бомба, а голем астероид, но претседателот наложил да му каже на обезбедувањето дека е обична експлозивна направа.